Asosiy
Улуғ мутафаккир Алишер Навоий таваллудига 580 йил тўлди! Ўзбек адабиётининг ёрқин сиймоси, сўз мулкининг подшоси, ғазал мулкининг султони А.Навоий яратган бадиий асарлар мамлакатимиз ёшларини бугунги кунда билимли, маънавий ва жисмоний баркамол, комил инсон даражасида тарбиялашда муҳим воситадир. Ўзбекистон Республикасининг Президентининг 2020 йил 19-октябрда “Буюк шоир ва мутафаккир А.Навоий таваллудининг 580 йиллигини кенг нишонлаш тўғрисида”ги ПҚ-4865-сон қарори билан тасдиқланган “А.Навоий таваллудининг 580 йиллигини нишонлаш бўйича амалга ошириладиган чора–тадбирлар дастури” ижросини амалга ошириш мақсадида ИИВ Қашқадарё академик лицейида 2020 йил 3-февраль куни ўқувчи ёшлар ўртасида “Мангуликка даҳлдор сиймо” номли адабий-мусиқий тадбир ўтказилди. Академик лицейимизнинг ўқувчи ёшлари томонидан ижро этилган лирик шеърлар, куй – қўшиқ рақс ҳамда ажойиб саҳна кўринишлари томошабинларда катта таасурот қолдирди. Тадбирда қарши шаҳридаги Мулла Тўйчи Тошмуҳаммедов номидаги мусиқали драма театрининг актёрлари ҳам ташриф буюришди. Саҳнада актёрларимиз томонидан буюк бобокалонимиз сиймосининг намойиш этилиши ўтирганлар эътиборини янада оширди. Ўтказилган тадбир ўқувчи ёшларимиз онгида маънавиятни юксалтириш, ўзлигимиз ва миллийлигимизга эътиборни ошириш, қадриятларимизга ҳурмат ҳиссини сингдириш каби фазилатларни юксалтиришга хизмат қилди десак муболаға бўлмайди. Академик лицей ўқитувчиси М.Эралова