2021 йил 4 февраль куни академик лицейнинг ўқитувчилари ва ўқувчилари иштирокида “Навоий ижодида одамийлик сабоқлари” мавзусида давра суҳбати ташкил этилди. Ушбу тадбирда Қарши давлат университетининг адабиётшунослик кафедраси мудири филология фанлари доктори профессор Нафас Шодмонов улуғ шоир ва мутафаккирнинг давлат ҳамда халқ фаровонлиги йўлидаги ибратли умри, бетакрор ижоди ҳақида қизиқарли маълумотларни гапириб берди. Давра суҳбатида иштирок этган ўқитувчи ва ўқувчилар ҳам бу борадаги ўз фикр-мулоҳазаларини баён қилдилар. 2021 йил 5 февраль куни академик лицейда вилоят мусиқали драма театри актёрлари билан ижодий учрашув ташкил қилинди. Санъаткорлар томонидан Алишер Навоий ижодига мансуб ғазаллар, куй ва қўшиқлар ижро этилди ҳамда саҳна кўринишлари намойиш этилди. Шу куни вилоят Ички ишлар бошқармаси ходимлари ҳамда академик лицейнинг ўқитувчи ва ўқувчилари иштирокида “Навоий назмидан ёришар олам” мавзусида маънавий-маърифий тадбир ва билимдонлар беллашуви ташкил этилди. Тадбирда Алишер Навоий ижодидан намуналар айтилди, шоирнинг ҳаёти ва фаолияти, ёзган асарлари бўйича тезкор савол-жавоблар ўтказилди. Тадбир сўнгида фаол иштирокчилар муносиб рағбатлантирилди.